അവിദഗ്ധ കായിക തൊഴിൽ ചെയ്യാൻ സന്നദ്ധത അറിയിക്കുന്ന പ്രായപൂർത്തിയായ അംഗങ്ങളുള്ള ഓരോ ഗ്രാമീണ കുടുംബത്തിനും ഒരു സാമ്പത്തിക വർഷത്തിൽ കുറഞ്ഞത് 125 ദിവസത്തെ തൊഴിൽ ഉറപ്പുനൽകുന്നു. തൊഴിൽ ആവശ്യപ്പെട്ട് 15 ദിവസത്തിനകം ലഭ്യമാക്കാത്ത പക്ഷം സംസ്ഥാന സർക്കാർ തൊഴിലില്ലായ്മ വേതനം നൽകണം.

കേന്ദ്രാവിഷ്കൃത പദ്ധതിയായാണ് പദ്ധതി നടപ്പിലാക്കുന്നത്. പുതുക്കിയ ധനവിനിയോഗ ക്രമീകരണം അനുസരിച്ച് നിർദ്ദിഷ്ട അനുപാതത്തിൽ കേന്ദ്ര-സംസ്ഥാന സർക്കാരുകൾ ചെലവ് പങ്കിടുന്നു.

ഓരോ സാമ്പത്തിക വർഷത്തേക്കും സംസ്ഥാനാടിസ്ഥാനത്തിലുള്ള മാനദണ്ഡ വിഹിതം കേന്ദ്ര സർക്കാർ നിശ്ചയിക്കുന്നു. ഈ വിഹിതത്തിന് മുകളിലുള്ള അധിക ചെലവ് സംസ്ഥാന സർക്കാർ വഹിക്കേണ്ടതാണ്.

വിതയ്ക്കൽ, വിളവെടുപ്പ് തുടങ്ങിയ പ്രധാന കാർഷിക സീസണുകൾ ഉൾപ്പെടുന്ന പരമാവധി 60 ദിവസത്തെ കാലയളവിൽ പദ്ധതി പ്രവൃത്തികൾ നടത്തില്ലെന്ന് സംസ്ഥാന സർക്കാരുകൾ മുൻകൂട്ടി വിജ്ഞാപനം ചെയ്യേണ്ടതാണ്.

ജലസുരക്ഷ, ഗ്രാമീണ അടിസ്ഥാന സൗകര്യങ്ങൾ, ഉപജീവനവുമായി ബന്ധപ്പെട്ട അടിസ്ഥാന സൗകര്യങ്ങൾ, അതിതീവ്ര കാലാവസ്ഥാ പ്രതിഭാസങ്ങളുടെ ആഘാതം കുറയ്ക്കൽ എന്നിവയിൽ ശ്രദ്ധ കേന്ദ്രീകരിച്ച് ഗ്രാമപഞ്ചായത്തുകൾ പ്രാദേശിക വികസന പ്രവൃത്തികൾ കണ്ടെത്തുകയും പദ്ധതികൾ തയ്യാറാക്കുകയും ചെയ്യുന്നു.

ഈ പദ്ധതികൾ പ്രധാനമന്ത്രി ഗതിശക്തി ദേശീയ മാസ്റ്റർ പ്ലാനുമായി സംയോജിപ്പിക്കുകയും ദേശീയ തലത്തിൽ ഏകോപിപ്പിക്കുകയും ചെയ്യുന്നു.

കേന്ദ്ര-സംസ്ഥാന തലത്തിലുള്ള കൗൺസിലുകളും സ്റ്റിയറിംഗ് കമ്മിറ്റികളും പദ്ധതിയുടെ നിർവഹണം, നിരീക്ഷണം, വിഹിത ശുപാർശകൾ എന്നിവ മേൽനോട്ടം വഹിക്കുന്നു.

ബയോമെട്രിക് ആധികാരിക പരിശോധന, ജിയോസ്പേഷ്യൽ സാങ്കേതികവിദ്യ, തത്സമയ വിവരങ്ങൾ ലഭ്യമാക്കുന്ന മൊബൈൽ ആപ്ലിക്കേഷൻ ഡാഷ്ബോർഡുകൾ, പ്രതിവാര പൊതുവിവര പ്രസിദ്ധീകരണ സംവിധാനങ്ങൾ എന്നിവ നിയമത്തിൽ ഉൾപ്പെടുത്തിയിരിക്കുന്നു.