ശ്രീമൂലനഗരം
ഗ്രാമ പഞ്ചായത്ത്

കേരളപഴമയും ഐതിഹ്യങ്ങളും നിറഞ്ഞ ശ്രീമൂലനഗരം പെരിയാറിന്റെ തീരത്തുള്ള ഒരു ചരിത്രപ്രസിദ്ധ ഗ്രാമമാണ്. പറയിപെറ്റ പന്തിരുകുലത്തിലെ ചാത്തന്റെ വിഹാരഭൂമിയായ അകവൂർ മനയും തിരുവൈരാണിക്കുളം ക്ഷേത്രവും ഈ നാടിന്റെ സാംസ്കാരിക പൈതൃകങ്ങളാണ്. ശക്തൻ തമ്പുരാൻ ജനിച്ച പുതിയേടം കൊട്ടാരവും ചൊവ്വരയിലെ കൊച്ചി രാജാക്കന്മാരുടെ വേനൽവാസകേന്ദ്രവും ഇവിടത്തെ ചരിത്രപ്രാധാന്യം വ്യക്തമാക്കുന്നു. ശ്രീമൂലനഗരം എന്ന പേര് മൂലം തിരുനാൾ രാമവർമ്മ മഹാരാജാവിന്റെ സ്മരണയ്ക്കായാണ് ലഭിച്ചത്. ദേശീയപ്രസ്ഥാനത്തിലും ജന്മിനാടുവാഴിത്ത വിരുദ്ധ പോരാട്ടങ്ങളിലും ഈ നാട് സജീവ പങ്കുവഹിച്ചു. ഒരുകാലത്ത് നമ്പൂതിരി ഇല്ലങ്ങളുടെയും ദേവസ്വങ്ങളുടെയും അധീനതയിലായിരുന്ന ഭൂമി ഭൂപരിഷ്കരണത്തോടെ കർഷകരുടെ കൈകളിലെത്തി. മാവ്, പ്ലാവ്, തെങ്ങ്, റബർ, ജാതി, കുരുമുളക് തുടങ്ങിയ കൃഷികളും വൈവിധ്യമാർന്ന ഔഷധസസ്യങ്ങളും ഇവിടെ സമൃദ്ധമാണ്. ചന്ദ്രക്കാരൻ പോലുള്ള നാടൻ മാവിനങ്ങൾ ശ്രീമൂലനഗരത്തിന്റെ...